هذا هو كتاب الأستاذ، وخدمناه باحترافية باش يكون مرجع متكامل وسهل الاستعمال داخل القسم.

داخل كل درس غادي تلقى:

• ✅ وضعية مشكلة محفزة: كتكون في بداية الدرس، باش تفتح النقاش مع التلاميذ، وتساعدهم يبنيو الفرضيات ديالهم، ويبدا الدرس بطريقة تفاعلية.
• ✅ ملخص منظم ومنقح للدرس: كيضم التعاريف الأساسية، والأفكار المهمة، والعلاقات الضرورية، بالإضافة إلى رسوم توضيحية احترافية للظواهر والمفاهيم العلمية.
• ✅ أنشطة بيداغوجية وتجريبية: اخترناها بعناية باش تخدم أهداف الدرس المنصوص عليها في التوجيهات التربوية. الأسئلة ديالها واضحة ومناسبة لمستوى التلميذ، وحاولنا نتفاداو الأنشطة الطويلة اللي فيها عدد كبير من الأسئلة، أو اللي ما كتخدمش أهداف الدرس بشكل مباشر.
• ✅ تمارين تطبيقية: باش يطبق التلميذ المفاهيم والعلاقات اللي شاف في الدرس، ويرسخ المكتسبات الأساسية.
• ✅ سلسلة تمارين: كتضم تمارين متنوعة، مرتبطة بكل فقرة من فقرات الدرس، باش يلقى الأستاذ تمارين مناسبة لكل مرحلة من مراحل التعلم.

هذا هو كتاب الأنشطة الخاص بالتلميذ.
كيضم جميع الدروس، وكيحافظ على نفس ترتيب ومحتوى كتاب الأستاذ، غير حيدنا منه ملخصات الدروس وتصحيح الأنشطة والتمارين التطبيقية.

في كل درس غادي يلقى التلميذ:

• ✅ الوضعية المشكلة: باش يقراها مباشرة، بشكل فردي أو جماعي، ويبني الفرضيات ديالو قبل بداية الدرس.
• ✅ أنشطة الدرس والتمارين التطبيقية: باش يخدمها التلميذ مباشرة من الكتاب، وبلا ما يحتاج الأستاذ يكتب الأسئلة كاملة في السبورة.
• ✅ سلسلة تمارين الدرس: باش يقدر التلميذ يخدم التمارين في الدار انطلاقا من الكتاب، وبلا ما تحتاج كل مرة تطبع السلسلة أو ترسلها للتلاميذ.

ومن أهم مميزات كتاب الأنشطة أن جميع الأنشطة والتمارين مرقمة. هاد الترقيم كيساعدنا نتفاداو مشكل لصق أوراق الأنشطة في الدفتر، خصوصا أن بعض التلاميذ ما كيكونش عندهم اللصاق أو المقص، وهادشي كيضيع وقت الحصة وكيعرقل سيرها.

بفضل الترقيم، التلميذ غادي يكتب في الدفتر غير رقم النشاط والتصحيح ديالو، وإذا احتاج نص النشاط كيرجع مباشرة للكتاب.

هاد الملف كيكمل كتاب الأنشطة الخاص بالتلميذ، وغادي يوصلك هدية معاه.

رسمنا فيه جميع الأشكال والرسوم العلمية، والظواهر الفيزيائية، والتجارب، والمبيانات، بطريقة واضحة واحترافية.

الهدف هو نتفاداو الرسوم العشوائية أو غير الواضحة اللي كيرسمها التلميذ في الدفتر، واللي كتضيع وقت كبير داخل الحصة.

الرسوم منظمة حسب كل درس، ومرتبة من اليسار إلى اليمين، وفق سيرورة الدرس. الملف جاهز للطباعة، ويقدر يرافق التلميذ طيلة السنة الدراسية.

عروض جاهزة لجميع الدروس، تقدر تعرضها باستعمال الحاسوب والبروجيكتور.

هاد العروض غادي تهنيك من تمارة الكتابة المستمرة في السبورة، ومن مشكل أن بعض التلاميذ ما كتبانش ليهم الكتابة مزيان. كما أنها كتساعدك تنقص من الشوشرة اللي كتوقع ملي كتكون مقابل السبورة وكتكتب.

العروض غادي توفر ليك وقت مهم داخل الحصة، وتخليك تركز أكثر على الشرح، وتتبع عمل التلاميذ، ومراقبة الدفاتر. وتقدر تستغل الوقت اللي ربحت في تعمير دفتر النصوص أو تتبع التلاميذ اللي عندهم صعوبات.

إنجاز الجذاذات من أكثر المهام اللي كتتعب أستاذ الفيزياء والكيمياء، وكتاخد منه وقت كبير في البحث والتنظيم والكتابة.

على هاد السبب، وفرنا ليكم جميع الجذاذات الخاصة بجميع الدروس والمستويات.

الجذاذات منظمة، جاهزة للاستعمال، ومبنية انطلاقا من محتوى كتاب الأستاذ ووفق التوجيهات التربوية. كل جذاذة كتضم مراحل إنجاز الدرس، والأهداف، والمضامين، والأنشطة، ودور الأستاذ، ودور المتعلم، والوسائل الديداكتيكية المستعملة.

بهذه الجذاذات غادي تربح وقت كبير في التحضير، وتكون عندك رؤية واضحة ومنظمة على سير كل حصة.